Kurochan ♡
中國
🌟【8D魔幻山城重慶 景點紅黑榜❌】內附按摩及美食推薦
重慶被稱為「8D魔幻山城」，不但有獨特的地貌、深厚歷史文化，仲有數不盡的的美食，連網紅甲亢哥IShowspeed黎到都流連忘返！但呢座城市好多景點易踩雷，導致旅客既評價總是好壞參半😌 黎！即刻查收呢份重慶景點紅黑榜，開心玩轉3D山城啦！
✅洪崖洞
呢個11層巴渝吊腳樓建築群喺夜晚亮燈既時候就好似《千與千尋》既湯屋一樣，氛圍感十足，超適合打卡！
最佳拍攝點在千廝門大橋和重慶大劇院，建議18:30亮燈后前往🤙🏻
📍地址：渝中區嘉濱路88號
✅解放碑
全國唯一抗戰勝利紀念碑，現為重慶最繁華的商圈中心。八一路好吃街聚集數之不盡既地道小吃，包你食過返尋味！
📍地址：渝中區民族路177號
✅李子壩輕軌穿樓
如果有睇過方東昇既「這麼遠那麼近」一定就對呢度唔陌生，輕軌2號線穿樓而過，完美展現重慶魔幻立體交通。
最佳打卡機位：一號口出既觀景平台
📍地址：渝中區李子壩正街
✅重慶中國三峽博物館
上萬件文物講述長江文明史，黎到一定唔好錯過鎮館之寶「巫山人化石」，佢既發現係將人類起源年代推前左30萬年架！
免費參觀但需預約
周一閉館（法定假日除外）
📍地址：渝中區人民路236號
✅仙女山國家森林公園
有'東方瑞士'美譽，夏季平均氣溫僅21℃。高山草原與森林相映，小火車穿梭其間，冬季仲可以可滑雪！
📍地址：武隆區仙女山鎮
🎫50元
✅大足石刻
世界文化遺產，寶頂山千手觀音等石刻展現宋代佛教藝術巔峰。建議搭配專業講解，了解石刻背後的佛教故事～
📍地址：大足區寶頂山 🎫110元
❌豐都鬼城
話就話走進現實版既陰曹地府，但呢度其實一啲都唔恐怖，入面係結合道教文化的陰司主題景區，講述背後相關文化，所以如果係抱著獵奇玩鬼屋既心態就恐怕要失望啦！
📍地址：豐都縣名山鎮
🎫120元
❌貳廠文創公園
商業化非常嚴重的景點，裏面真正文創沒有幾間，大部分的東西重覆，沒創意，而且價錢也不友好。
問過呢度本地人都不去，專門fake旅客🙂↕️🙂↕️
❌磁器口古鎮
呢座千年古鎮雖然保留左明清建築風貌，但同樣商業化嚴重，街邊都係賣特產、做遊客生意既人，所謂千年古鎮既韻味已經蕩然無存。
❌長江索道
人太多啦，排幾個鐘跟住坐5分鐘就完左，體驗感唔太好。建議遠景打卡索道，全景仲令！
📍地址：渝中區新華路153號
🎫單程20元
❌交通茶館
話係老重慶風格，體驗市井生活，但真係過份市井，間店環境設施老舊，令人感覺唔太衛生。最攞命係入面好多阿伯食煙，一時間已經分唔清黎飲茶定食二手煙，真係可一不可再🙂↕️🙂↕️🙂↕️……
重慶必食美食
1️⃣美蛙魚（田雞+魚+麻辣火鍋）
2️⃣麻辣火鍋
3️⃣毛血旺
4️⃣熨斗糕（本地人童年小吃！）
💆♀️【本地人按摩店推薦】
黎山城好易腳攰，所以一定一定要mark實呢間「金色印象」按摩店！比深圳平之餘，服務仲要一流！野食新鮮任添，性價比超高！
服務⭐️⭐️⭐️⭐️⭐️
環境⭐️⭐️⭐️⭐️⭐️
食物⭐️⭐️⭐️⭐️⭐️
試過三間市中心既店
最推薦「重慶觀音橋」分店🥳🥳🥳
💡【實用Tips】
✅ 使用'車來了'小程序查實時公交
✅ 準備舒適波鞋應對山城既樓梯同長命斜
重慶住宿既經歷一言難盡，下一篇再同大家分享🙌如果呢篇睇完覺得有用記得like+share+follow 呀😍
圖片來源：重慶旅遊局官網、重慶市政府公眾號、洪崖洞公眾號、長江索道、磁器口古鎮公眾號、大足石刻公眾號、小紅書用戶@小兵兵、實話實說點評員、今天吃堡了嗎、Zzz、喬汭蔥、IShowspeed@Instagram官方
重慶旅行攻略重慶行程重慶自由行重慶景點重慶好去處重慶美食旅行攻略攻略山城打卡
閱讀更多